jump to navigation

រូបសំណាក​សម្តេច ជួន ណាត ក្លាយជា​និមិត្តរូប​អនុស្សាវរីយ៍​នៅតាម​សាលារៀន​ ខែកក្កដា 31, 2016

Posted by សុភ័ក្ត្រ in ព័ត៌មាន.
add a comment

សម្តេចព្រះសង្ឃរាជ ជួន ណាត គឺជាអ្នកប្រាជ្ញអក្សរសាស្ត្ររបស់កម្ពុជា ហើយចលនាសាងសង់រូបសំណាកព្រះសង្ឃនៅតាមសាលារៀន កំពុងមានការផុសផុលយ៉ាងខ្លាំង។ កាលពីព្រឹកថ្ងៃទី៣១ ខែកក្កដា ឆ្នាំ២០១៦ អតីតសិស្សដែលរៀនវិទ្យាល័យសម្តេច ហ៊ុន សែន ភ្នំពេញថ្មី ជាយរាជធានីភ្នំពេញ បានរៀបចំពិធីតម្កល់រូបសំណាកសម្តេចសង្ឃ ជួន ណាត នៅបរិវេណសាលា។

ក្រោមការផ្ដួចផ្ដើមគំនិត និងរៀបចំអស់រយៈពេលពីរខែ អតីតសិស្សដែលធ្លាប់រៀននៅវិទ្យាល័យសម្តេច ហ៊ុន សែន ភ្នំពេញថ្មី បានរៀបចំពិធីដាក់តម្កល់រូបសំណាកសម្តេច ព្រះសង្ឃរាជ ជួន ណាត នៅក្នុងបរិវេណសាលារបស់ខ្លួនដើម្បីទុកជាទីសក្ការៈ និងជាអំណោយអនុស្សាវរីយ៍សម្រាប់សាលាដែលពួកគេធ្លាប់ឆ្លងកាត់ការរៀនសូត្រ។

លោក មូលី មុនីរក្ស តំណាងអតីតសិស្ស និងជាអ្នកផ្តួចផ្តើមកម្មវិធីរៃអង្គាស បានបញ្ជាក់ថា ផែនការរបស់អតីតសិស្សវិទ្យាល័យសម្តេច ហ៊ុន សែន ភ្នំពេញថ្មី ក្រៅពីការសាងសង់រូបសំណាក ពួកលោកចង់បង្កើតឲ្យមានការជួបជុំ ការអភិវឌ្ឍសាលា និងការជួយសិស្សជួបការលំបាក។ ម្យ៉ាងវិញទៅ ផែនការសម្រាប់អភិវឌ្ឍសាលា បានពិភាក្សាគ្នាលើគម្រោងមួយចំនួនដែលត្រូវធ្វើរួមមាន ការដាក់បង់អង្គុយ ការរៀបការ៉ូឡា និងការសាងសងរូបសំណាក់នៅក្នុងវិទ្យាល័យ។

លោកបានអះអាងថា នេះជាលើកទី១ នៃការចាប់ផ្ដើមកម្មវិធីបែបនេះ ទោះបីជាមិនបានផ្សព្វផ្សាយឲ្យបានទូលំទូលាយយ៉ាងណាក៏ដោយ ប៉ុន្តែកម្មពិធីថ្ងៃនេះ បានប្រារព្ធដោយជោគជ័យ ដែលការចូលរួមពីអតីតសិស្សជាច្រើន។

ចំណែកកញ្ញា ខៀវ ចន្តារ័ត្ន បានបង្ហាញពីអារម្មណ៍សប្បាយរីករាយយ៉ាងខ្លាំង ចំពោះការរៀបចំកម្មវិធីជួបជុំអតិតសិស្សបែបនេះ។ ទោះបីជាជាប់រវល់ការសិក្សាក៏ដោយ កញ្ញា ចិន្ដារ័ត្ន បានឆ្លៀតចូលរួមកម្មវិធីនេះផងដែរ។ ចន្តារ័ត្ន ដែលជានិស្សិតពេទ្យ បានរៀបរាប់ពីអនុស្សាវរីយដែលមាននៅក្នុងវិទ្យាល័យនេះថា៖ « នៅពេលមកវិទ្យាល័យឃើញថ្នាក់រៀន ពេលឃើញលោកគ្រូ អ្នកគ្រូ ពេលដែលឃើញមុខពួកគាត់ ខ្ញុំមានអារម្មណ៍សប្បាយចិត្តខ្លាំង»។

លោក ឆាយ សុងលី នាយកវិទ្យាល័យសម្តេច ហ៊ុន សែន ភ្នំពេញថ្មី បានបង្ហាញនូវអារម្មណ៍សប្បាយរីករាយយ៉ាងខ្លាំង ចំពោះអតីតសិស្សដែលបានងាកមកចូលរួមការសាងអភិវឌ្ឍសាលា ហើយបានបង្កើតកម្មវិធីជួបជុំបែបនេះ។ លោកបានលើកឡើងថា ស្នាមញញឹមរបស់គ្រូ សប្បាយចិត្តបំផុត នៅពេលដែលសិស្សដឹងគុណគ្រូ  និងមិនភ្លេចគ្រូ ដែលជាអ្នកផ្ដល់ចំណេះដឹង។ លោក ឆាយ សុងលី បានបញ្ជាក់ថា លោកមានការភ្ញាក់ផ្អើល នៅពេលដែលអតីតសិស្សទូរសព្ទមកចង់បង្កើតកម្មវិធីបែបនេះ ហើយរំភើបយ៉ាងខ្លាំង។

ក្រុមអតីតសិស្សតាំងចិត្តរៀបចំកម្មវិធីនាឆ្នាំក្រោយៗទៀត និងរៀបចំកម្មវិធីឲ្យកាន់តែធំ ដើម្បីឲ្យអតីតសិស្សគ្រប់ជំនាន់បានជួបជុំគ្នា។ តំណាងក្រុមអតីតសិស្ស បានបន្ថែមថា បើទោះបីសិស្សជំនាន់ក្រោយ រៀបចំកម្មវិធីបែបនេះក៏ដោយ លោកសប្បាយចិត្ត ហើយនិងចូលរួមជាមួយគ្នាដើម្បីអភិវឌ្ឍសាលា ដែលជាទីកន្លែងបណ្ដុះគំនិត និងនាំផ្លូវឲ្យមានភាពជោគជ័យ។
បន្ថែមលើសនេះ ក្រោយពីការជួបជុំនេះ អតីតសិស្សមានការញ៉ាំអាហារជុំគ្នា និងបានចូលរួមសំអាតទីធ្លាវិទ្យាល័យ ដើម្បីរំលឹកដល់អនុស្សាវរីយកាលនៅសិក្សា ដែលទទួលវិន័យរើសសំរាមជាដើម៕

ចម្លងទាំងស្រុងចេញពីគេហទំព័រថ្មីៗ៖ https://www.thmeythmey.com/?page=detail&ctype=article&id=42703&lg=kh

ខួបទី១៣៣ ថ្ងៃប្រសូតនៃ សម្ដេចព្រះមហាសុមេធាធិបតី ជួន ណាត (ជោតញ្ញាណោ) ខែ​មីនា 11, 2016

Posted by សុភ័ក្ត្រ in មិនមានប្រភេទ.
add a comment

ខួបទី១៣៣ ថ្ងៃប្រសូតនៃ
សម្ដេចព្រះមហាសុមេធាធិបតី ជួន ណាត (ជោតញ្ញាណោ)
សម្ដេចព្រះសង្ឃរាជថ្នាក់ទី១ នៃគណៈមហានិកាយ
នៃព្រះរាជអាណាចក្រកម្ពុជា

១១ មីនា ព.ស.២៤២៦ – ១១ មីនា ព.ស.២៥៥៩

សម្ដេច​សង្ឃ​នាយក​គណៈ​មហា​និកាយ​និមន្ត​ទត​ផ្លូវ​ធំ​ថ្មី​ទៅ​កាន់​ក្រុង​សីហនុ ខែ​កុម្ភៈ 1, 2016

Posted by សុភ័ក្ត្រ in ព័ត៌មាន.
add a comment

ផ្លូវ​ធំ​ថ្មី​បំផុត​នៅ​ប្រទេស​កម្ពុជា ដែល​ស្ថាបនា​កាត់​ភ្នំ​និង​ព្រៃ​ធំ​ភ្ជាប់​ទឹក​នៃ​ឈូង​សមុទ្ទ​សៀម​មក​ដល់​ផ្សារ​ទាំង​ឡាយ​ក្នុង​រាជ​ធានី​។ ផ្លូវ​ធំ​នេះ​ដែល​ភ្ជាប់​ក្រុង​ភ្នំពេញ​នៅ​កំពង់​ផែ​ថ្មី​នៅ​ក្រុង​ព្រះ​សីហនុ នឹង​បំបាត់​នូវ​ការ​ចាំ​បាច់​នៃ​ការ​ដឹក​នាំ​ទំនិញ​មក​កាន់​ប្រទេស​កម្ពុជា ដោយ​មាន​ការ​ផ្ទេរ​ពី​នាវា​មួយ​ទៅ​នាវា​មួយ កាត់​តាម​ប្រទេស​ជិត​ខាង​។ ផ្លូវ​ធំ​កំពុង​សង់​សព្វ​ថ្ងៃ នឹង​ត្រូវ​សង់​រួច​ស្រេច​ក្នុង​ឆ្នាំ​នេះ​។

នៅ​ពេល​ថ្មី​ៗ​នេះ សម្ដេច​សង្ឃ​នាយក​គណៈ​មហា​និកាយ ជួន ណាត ទ្រង់​បាន​និមន្ត​ធ្វើ​ដំណើរ​ទស្សនា​ពីរ​ថ្ងៃ​ដើម្បី​ពិនិត្យ​ដោយ​ផ្ទាល់​ព្រះ​អង្គ​នូវ​ការ​ជឿន​លឿន​នៃ​គ្រោង​ការ​ខ្មែរ​អាមេរិកាំង​រួម​គ្នា​នេះ​។ សម្ដេច​ទ្រង់​បាន​សំដែង​នូវ​ការ​យក​ព្រះ​ទ័យ​ទុក​ដាក់​ចំពោះ​ការងារ​គ្រប់​ផ្នែក​ទាំង​អស់​៕

សម្ដេច​សង្ឃ​នាយក ជួន ណាត (​ពាក់​វែន​តា​) ថត​នៅ​ច្រក​ភ្នំ​ពេជ្រ​និល​, កំពុង​ពិនិត្យ​មើល​ការ​ជឿន​លឿន​ទៅ​មុខ​នៃ​ការ​ស្ថាបនា​ផ្លូវ​ថ្នល់ឯ.ឧ. ឌី បែលឡុង (​ស្លៀក​ខោ​ចិន​) បាន​រៀប​ចំ​ទទួល​សម្ដេច​សង្ឃ​នាយក នៅ​កំពង់​ផែ ក្រុង​សីហនុផ្លូវ​ធំ​ថ្មី ដែល​កសាង​នៅ​តំបន់​ព្រៃ​ភ្នំ នៃ​ប្រទេស​កម្ពុជា​លាត​សន្ធឹង​យ៉ាង​ឆ្ងាយ​ដាច់​ស្រយាល​នៅ​ក្រោម​ឥន្ទធនូ

៤៥​ឆ្នាំ​នៃ​ព្រះ​រាជ​ពិធី​បុណ្យ​ព្រះ​មេរុ សម្ដេច​ព្រះ​សង្ឃ​រាជ ជួន ណាត (ជោតញ្ញាណោ) ខែមករា 30, 2016

Posted by សុភ័ក្ត្រ in ព័ត៌មាន.
add a comment

ខែ​មករា គ.ស.​២០១៦ នេះ មាន​រយៈ​ពេល​៤៥​ឆ្នាំ​គត់ ដែល​នគរ​កម្ពុជា​យើង​បាន​ប្រារព្ធ​ព្រះ​រាជ​ពិធី​ជា​ប្រវត្តិសាស្ត្រ​មួយ​គឺ​ព្រះ​រាជ​ពិធី​បុណ្យ​ព្រះមេរុ ថ្វាយ​ព្រះ​ភ្លើង​ព្រះ​បរម​សព​នៃ​សម្ដេច​ព្រះ​សង្ឃ​រាជ ជួន ណាត (ជោតញ្ញាណោ)​​ ជា​អម្ចាស់​នៃ​ពួង​ខេមរ​ជន​។ ព្រះ​រាជ​ពិធី​ជា​ប្រវត្តិ​សាស្ត្រ​នេះ​បាន​ប្រារព្ធ​ធ្វើ​ឡើង​រយៈ​ពេល​៥​ថ្ងៃ ដោយ​ចូល​ពី​ថ្ងៃ​ពុធ ១​កើត ខែ​មាឃ រហូត​ដល់​ថ្ងៃ​អាទិត្យ​៥​កើត ខែ​មាឃ ឆ្នាំច ទោ​ស័ក ព.ស.​ ២៥១៤ ត្រូវ​នឹង​ថ្ងៃ​ទី​២៧ រហូត​ដល់​ថ្ងៃ​ទី​៣១ ខែ​មករា គ.ស.​១៩៧១​។

24674286056_56a0f74986_oចាប់​តាំង​ពី​ពេល​ដែល​ព្រះ​អង្គ​ចូល​ព្រះ​ទិវង្គត​មក បណ្ដា​ពុទ្ធ​បរិស័ទ​ទាំង​អស់​តែង​តែ​ស្ដាយ​អាឡោះ​អាល័យ​ព្រះ​អង្គ និង​រៀង​រាល់​ថ្ងៃ​ទី​២៥ នៃ​ខែ​នីមួយ​ៗ ពុទ្ធ​បរិស័ទ​ទាំង​អស់​តែង​នាំ​គ្នា​មក​ជួប​ជុំ​កុះករ​ប្រារព្ធ​ពិធី​ថ្វាយ​ព្រះ​រាជ​កុសល រំ​ឭក​ដល់​ថ្ងៃ​ដែល​ព្រះ​អង្គ​ទ្រង់​យាង​ចូល​ព្រះ​ទិវង្គត ដោយ​ចម្រើន​ព្រះ​បរិត្ត ដាក់​បាត្រ ឧទ្ទិស​កុសល ថ្វាយ​ចំពោះ​ព្រះ​វិញ្ញាណ​ក្ខន្ធ​សម្ដេច​ពុំ​ដែល​លស់ខាន​ឡើយ​។

ព្រះ​បរម​សព​នៃ​ព្រះ​អង្គ​ត្រូវ​បាន​តម្កល់​ទុក​ធ្វើ​បុណ្យ​រយៈ​ពេល​ជាង​១​ឆ្នាំ​នៅ​ឯ​វត្ត​ឧណ្ណាលោម ព្រះ​រាជ​ធានី​ភ្នំពេញ រហូត​ដល់​ថ្ងៃ​ទី​២៧ ខែ​មករា ឆ្នាំ​១៩៧១ នោះ ទើប​ចាត់​ពិធី​ចេញ​ព្រះ​មេរុ ដង្ហែ​ព្រះ​បរម​សព​ទ្រង់​​យ៉ាង​សម​ព្រះ​កិត្តិយស តម្កល់​លើ​ព្រះ​​មហា​បញ្ចា​៧​ជាន់​ ឯ​​ទី​ព្រះ​មេរុ​ខាង​មុខ​សារមន្ទីរ​ជាតិ​។

ព្រះ​បរម​សព​ត្រូវ​បាន​តម្កល់​ធ្វើ​បុណ្យ​តាម​ប្រពៃណី​សាសនា​ជាតិ​នៅ​ទី​ព្រះ​មេរុ​រយៈ​ពេល​២​យប់​៣​ថ្ងៃ​ រហូត​មក​ដល់​ថ្ងៃ​ទី​៣ គឺ​​ថ្ងៃ​សុក្រ ៣​កើត ខែ​មាឃ ត្រូវ​នឹង​ថ្ងៃ​ទី​២៩ ខែ​មករា ទើប​ចាត់​ព្រះ​រាជ​ពិធី​ថ្វាយ​ព្រះ​ភ្លើង​ព្រះ​អង្គ នា​ប្រមាណ​ម៉ោង​៤​រសៀល យ៉ាង​ស័ក្តិសម​ជា​ស្ដេច​សង្ឃ​អ្នក​ប្រាជ្ញ​ខ្មែរ​លើស​អស់​សង្ឃ​នានា​ទូទាំង​ព្រះ​នគរ​។

នៅ​ថ្ងៃ​បន្ទាប់​ព្រះ​អង្គា​ត្រូវ​បាន​ដង្ហែ​យក​ទៅ​បំផ្លែង​នៅ​ទន្លេ​ចតុម្មុខ ហើយ​ធ្វើ​អដ្ឋិ​ព្រះ​អង្គ​បន្ត​នៅ​ទី​ព្រះ​មេរុ​។ ថ្ងៃ​ទី​៥ ដែល​ជា​ថ្ងៃ​បញ្ចប់​នៃ​ព្រះ​រាជ​ពិធី​បុណ្យ​ព្រះ​មេរុ នោះ ព្រះ​បរម​អដ្ឋិ ដែល​បាន​បញ្ចុះ​ក្នុង​ព្រះ​កោដ្ឋ​មាស​នោះ ត្រូវ​បាន​ធ្វើ​ពិធី​ដង្ហែ​ចេញ​ពី​ទី​ព្រះ​មេរុ យក​ទៅ​បញ្ចុះ​ឯ​​ព្រះ​មហា​ចេតិយ​នា​វត្ត​ឧណ្ណាលោម រួច​ធ្វើ​បុណ្យ​រហូត​ដល់​ពេល​រាត្រី ស្រេច​បរិបូណ៌​នៃ​ព្រះ​រាជ​ពិធី​ជា​ប្រវត្តិ​សាស្ត្រ​។

ថ្វី​ដ្បិត​តែ​ចាប់​តាំង​ពី​ថ្ងៃ​ថ្វាយ​ព្រះ​ភ្លើង​រហូត​មក​ដល់​ពេល​នេះ​មាន​រយៈ​ពេល​៤៥​ឆ្នាំ​ទៅ​ហើយ​ក្ដី ព្រះ​កិត្តិនាម និង​កិត្តិស័ព្ទ នៃ​សម្ដេច​ព្រះ​សង្ឃ​រាជ ជា​អម្ចាស់ នៅ​តែ​ដក់​ជាប់​នឹង​ស្មារតី​កូន​ខ្មែរ​គ្រប់​រូប ហើយ​នៅ​ត​ទៅ​អនាគត​​៕​៚

24095875634_953bf0a63b_o
ពិធី​ដង្ហែ​ព្រះ​បរម​សព​សម្ដេច​ព្រះ​សង្ឃ​រាជ ជួន ណាត ទៅ​ទី​ព្រះ​មេរុ

24095875634_953bf0a63b_o
ទី​ព្រះ​មេរុ​នៃ​សម្ដេច​ព្រះ​សង្ឃ​រាជ ជួន ណាត

ខួបទី ៤៥ឆ្នាំ ព្រះរាជពិធីបុណ្យព្រះមេរុ នៃ សម្តេចព្រះមហាសុមេធាធិបតី ជួន ណាត (ជោតញ្ញាណោ) ខែមករា 27, 2016

Posted by សុភ័ក្ត្រ in ព័ត៌មាន.
add a comment


ខួបទី ៤៥ឆ្នាំ ព្រះរាជពិធីបុណ្យព្រះមេរុ នៃ
សម្តេចព្រះមហាសុមេធាធិបតី ជួន ណាត (ជោតញ្ញាណោ)
សម្តេចព្រះសង្ឃរាជថ្នាក់ទី១ នៃគណៈមហានិកាយ
ថ្ងៃទី២៧ ដល់ ៣១ ខែមករា គ.ស.២០១៦

តាមដាន

Get every new post delivered to your Inbox.

Join 44 other followers