កាស និង​តែមប្រិ៍​ប្រៃសណីយ៍​អនុស្សាវរីយ៍​រំឭក ខួប​ទី​១៣១ ​ថ្ងៃ​ប្រសូត​នៃ សម្ដេច​ព្រះ​មហា​សុមេធាធិតបី ជួន ណាត (ជោតញ្ញាណោ)

ខាង​ក្រោម​នេះ​ជា​គំនូស​ច្នៃ​ប្រឌិត​នៃ​កាស និង​តែមប្រិ៍​ប្រៃសណីយ៍​អនុស្សាវរីយ៍ រំឭក​ខួប​ទី​១៣១ ថ្ងៃ​ប្រសូត​នៃ សម្ដេច​ព្រះ​មហា​សុមេធាធិតបី ជួន ណាត (ជោតញ្ញាណោ) ថ្ងៃ​ទី​១១ ខែ​មីនា ព.ស.​២៥៥៧ (គ.ស.​២០១៤​) នេះ​។

១. អំពី​កាស​អនុស្សាវរីយ៍

ផ្នែក​ខាង​មុខ​៖ មាន​ព្រះ​បរម​រម​ឆាយា​ល័ក្ខណ៍​នៃ​សម្ដេច​ព្រះ​មហា​សុមេធាធិតបី ជួន ណាត (ជោតញ្ញាណោ) រួម​ទាំង​ផ្លឹត​ត្រា​ព្រះ​រាជ​សង្ហារ​នៅ​ពី​ក្រោយ​។ នៅ​ពី​​ខាង​លើ​មាន​រចនា​ជា​អក្សរ​មូល​ខ្មែរ​ថា​ «​​សម្ដេច​ព្​រះ​សង្ឃរាជ​ថ្នាក់​ទី​១ នៃ​គណៈ​មហា​និកាយ​» និង​ផ្នែក​ខាង​ក្រោម​ថា «​១១ មីនា ព.ស.​២៤២៦​»​ ដែល​ជា​ថ្ងៃ​ប្រសូត​នៃ​ព្រះ​អង្គ។

ផ្នែក​ខាង​ខ្នង​៖ មាន​​ឆ្លាក់​ជា​អក្សរ​មូល​ខ្មែរ​ធំ​ៗ​នៅ​ចំ​កណ្ដាល​ថា «​ខួប​ទី ១៣១ ឆ្នាំ​»​ និង​នៅ​ខាង​លើ​មាន​រចនា​អក្សរ​មូល​ខ្មែរ​ព័ទ្ធ​ជុំ​វិញ​ថា «​ថ្​ងៃ​ប្រសូត​នៃ​សម្ដេច​ព្រះ​មហា​សុមេធាធិបតី ជូន ណាត ជោតញ្ញាណោ» និង​ពី​ខាង​ក្រោម​ថា «​២៥៥៧​»​។

២. អំពី​តែមប្រិ៍​ប្រៃសណីយ៍​អនុស្សាវរីយ៍

តែមប្រិ៍​ប្រៃសណីយ៍​​អនុស្សាវរីយ៍ នេះ​មាន​ព័ណ៌​​លឿង​ចាស់ និង​មាន​ប្រាកដ​ព្រះ​បរម​ឆាយា​ល័ក្ខណ៍​នៃ​សម្ដេច​ព្រះ​សង្ឃរាជ ជួន ណាត ជោតញ្ញាណោ រួម​ជាមួយ​ផ្លឹត​ត្រា​ព្រះ​រាជ​សង្ហារ​​។

នៅ​ផ្នែក​ខាង​ឆ្វេង​បង្អស់​មាន​រចនា​អក្សរ​ខ្មែរ​​ផ្ដេក ថា «​ប្រៃសណីយ៍ ២០១៤​» និង​អក្សរ​បារាំង​សេស​នៅ​ខាង​ក្រោម​​ថា «​POSTES 2014» អក្សរ​ទាំង​ពីរ​ឃ្លា​នេះ​មាន​ព័ណ៌​ទឹក​ប៊ិច។ នៅ​ខាង​ឆ្វេង​ខាង​លើ​​​បង្អស់​នៃ​តែមប្រិ៍​ ​មាន​ដាក់​អក្សរ​ថា «​៥០០​៛» និង​នៅ​ពី​ក្រោម​ថា «​500R» និង​បន្ទាប់​មក​មាន​អក្សរ​​ថា «ព្រះ​រាជាណាចក្រ​កម្ពុជា» និង​ខាង​ក្រោម​ជា​អក្សរ​បារាំង​សេស​ថា «​ROYAUME DU CAMBODGE» ។ អក្សរ​ទាំង​នោះ​មាន​ព័ណ៌​ទឹក​ប៊ិច​។

នៅ​ផ្នែក​ខាង​ក្រោម​បង្អស់​មាន​រចនា​អក្សរ​ព័ណ៌​ស​ចំនួន​៣​បន្ទាត់​ដែល​មាន​អត្ថន័យ​ថា «ខួប​ទី​១៣១ ថ្ងៃ​ប្រសូត​នៃ​ សម្ដេច​ព្រះ​មហា​សុមេធាធិបតី ជួន ណាត (ជោតញ្ញាណោ) ១១ មីនា ព.ស.​២៤២៦ – ១១ មីនា ព.ស.​២៥៥៧»។

សម្គាល់​៖ ទាំង​កាស និង​តែមប្រិ៍​ប្រៃសណីយ៍​អនុស្សាវរីយ៍​ខាង​លើ​ជា​ការ​ច្នៃ​ប្រឌិត​ទេ មិន​មែន​របស់​ពិត​ប្រាកដ​ដែល​ចេញ​ដោយ​រាជការ​ទេ​៕

___________________________________________________
អាន​ផង​ដែរ​៖
១. ខួបទី១៣១ ថ្ងៃប្រសូតនៃ សម្ដេច​ព្រះ​មហា​សុមេធាធិបតី ជួន ណាត (ជោតញ្ញាណោ)