jump to navigation

សម្ពោធឆ្លងរូបសំណាកសម្តេចព្រះសុមេធាធិបតីជួន ណាត (ជោតញ្ញាណោ) ខែមិថុនា 30, 2019

Posted by សុភ័ក្ត្រ in ព័ត៌មាន.
add a comment

ខេត្តប៉ៃលិន ៖ កាលពីព្រឹកថ្ងៃទី៣០ ខែមិថុនា ឆ្នាំ២០១៩ នៅសាលាវិទ្យាល័យ ហ៊ុន សែន ក្រុងទេពនិម្មិត្តប៉ៃលិន មានប្រារពពិធីសម្ពោធឆ្លងរូបសំណាកសម្តេចព្រះសុមេធាធិបតី ជួន ណាត (ជោតញ្ញាណោ) សម្តេចព្រះសង្ឃរាជថ្នាក់លេខ១ គណៈមហានិកាយ នៃព្រះរាជាណាចក្រកម្ពុជា ស្ថិតក្រោមអធិបតីភាព ឯកឧត្តម សៅ សារ៉ាត់ ប្រធានក្រុមប្រឹក្សាខេត្ត ឯកឧត្តម ផាន់ ចាន់ធុល អភិបាលខេត្ត ព្រមទាំងមានការអញ្ជើញចូលរួមពីសំណាក់ព្រះមេគណទាំង២គណៈ ព្រះសង្ឃមកពីវត្តអារាមនានានៅក្នុងខេត្ត លោកគ្រូអ្នកគ្រូ សិស្សានុសិស្ស និងពុទ្ធបរិស័ទយ៉ាង ច្រើនកុះករ។

ឯកឧត្តម ផាន់ ចាន់ធុល អភិបាលខេត្ត បានមានប្រសាសន៍ថា ៖ ការសាងសង់រូបសំណាកសម្តេចព្រះសង្ឃរាជ ជួន ណាត នៅក្នុងសាលាវិទ្យាល័យ ហ៊ុន សែន ក្រុងទេពនិម្មិត្តប៉ៃលិននេះ គឺដើម្បីជានិមិត្តរូប ទុកឲ្យយុវជនជំនាន់ក្រោយ បានស្គាល់បុព្វបុរស ដែលមានគុណបំណាច់ ចំពោះប្រទេសជាតិ និងជាការលើកកំពស់ វិស័យព្រះពុទ្ធសាសនា ។

ឯកឧត្តមបានបន្តថា៖ សម្តេចព្រះសុមេធាធិបតី ជួន ណាត (ជោតញ្ញាណោ) ព្រះអង្គ គឺជាអ្នកប្រាជ្ញ ខាងអក្សរសាស្ត្រខ្មែរ បានបង្កើតវចនានុក្រម អក្សរសាស្ត្រ ទុកសម្រាប់កូនចៅជំនាន់ក្រោយបាន រៀនសូត្រ ហើយព្រះអង្គ បាននិពន្ធបទភ្លេងជាតិផងដែរ ។

ការរួមគ្នាពីសំណាក់ថ្នាក់ដឹកនាំ មន្ត្រីរាជការ ព្រះសង្ឃ សប្បុរសជន លោកគ្រូ អ្នកគ្រូ សិស្សានុសិស្ស ក្នុងការសាសង់រូបសំណាក សម្តេចព្រះសង្ឃរាជ ជួន ណាត គឺជាការផ្ញើសារ ប្រាប់ដល់យុវជនជំនាន់ក្រោយ ឱ្យគោរពវិរៈបុរសខ្មែរ គឺសម្តេចព្រះសង្ឃរាជ ជួន ណាត ដែលជាអ្នកប្រាជ្ញអក្សរសាស្ត្រ ហើយព្រះអង្គបានបន្សល់ទុក នៅកេរ្តិ៍មរតកមានតម្លៃជាច្រើន សម្រាប់មនុស្សជំនាន់ក្រោយ រៀនសូត្រតាម និងគោរពប្រតិបត្តិ ។

តាមរបាយការរបស់គណៈកម្មការកសាងបានឱ្យដឹងថា ៖ រូបសំណាកសម្តេចព្រះសង្ឃរាជ ជួន ណាត ដែលសម្ពោធនាពេលនេះ គឺកសាងអំពីស្ពាន់ កម្ពស់១ម៉ែត្រ គ្រឹះបល្ល័ង្គ មានអង្កត់ផ្ចិត ៦.៥០ម៉ែត្រ កម្ពស់ ១.៧០ម៉ែត្រ និងសួនច្បារ មានដាំស្មៅ និងផ្កាម្ជុល ប្រើប្រាស់ថវិកាសរុបចំនួន ១១០០០ដុល្លារសហរដ្ឋអាមេរិក ៕ ដោយ  មករា 

http://rkn-news.com/2019/07/01/15306/

«ក្រុមប្រឹក្សាជាតិភាសាខ្មែរ ប្រើប្រាស់វចនានុក្រមសម្តេចសង្ឃរាជ ជួន ណាត ជាគោលសម្រាប់បង្កើតបច្ចេកសព្ទថ្មី» ខែ​ឧសភា 7, 2019

Posted by សុភ័ក្ត្រ in ព័ត៌មាន.
add a comment

553

បញ្ហាសំណេរភាសាខ្មែរ ជាពិសេសបញ្ហាអក្ខរាវិរុទ្ធ បានក្លាយជាប្រធានបទក្តៅមួយតាមបណ្តាញសង្គម កាល​ពីសប្តាហ៍​កន្លង​ទៅ​នេះ បន្ទាប់ពីមានការបង្ហាញពីសំណេរឈ្មោះប្រទេសមហាអំណាចមួយ នៅក្នុង​កម្មវិធី​កិច្ច​ពិភាក្សា​តុមូល ដែល​រៀបចំ​ឡើងដោយរាជបណ្ឌិត្យសភាកម្ពុជា កាលពីថ្ងៃ៣០ ខែមេសា កន្លងទៅថ្មីៗនេះ។ មាន​មតិ​មហាជនជាច្រើន​បាន​ចូលរួមចំណែកជជែកវែកញែក បង្ហាញទឡ្ហីករណ៍ និងលើកហេតុផលមកបញ្ជាក់។

«យើងក៏សប្បាយចិត្ត ដោយមើលឃើញថាប្រជាជនខ្មែរចាប់ផ្តើមឈឺឆ្អាលនិងស្រឡាញ់ភាសាជាតិរបស់ខ្លួន ដោយមានការ​រិះគន់​ពី​បញ្ហាអក្ខរាវិរុទ្ធនាពេលកន្លងមក។» នេះ បើតាមប្រសាសន៍របស់ឯកឧត្តមបណ្ឌិត ហ៊ាន សុខុម ប្រធានក្រុមប្រឹក្សាជាតិភាសាខ្មែរ មានប្រសាសន៍នៅក្នុងជំនួបជាមួយអ្នកសារព័ត៌មានកាលពីព្រឹកថ្ងៃអង្គារ ៤កើត ឆ្នាំកុរ ឯកស័ក ព.ស. ២៥៦២ ត្រូវនឹងថ្ងៃទី០៧ ខែឧសភា ឆ្នាំ២០១៩ ព្រឹកមិញនេះ។

ពាក់ព័ន្ធនឹងបញ្ហានេះ ស្ថាប័នរដ្ឋ និង ឯកជនច្រើន បានពឹងផ្អែកលើវចនានុក្រមសម្ដេចព្រះសង្ឃរាជ ជួន ណាត សម្រាប់ផ្ទៀងផ្ទាត់សំណេរអក្ខរាវិរុទ្ធ ល្គឹកណាមិនទាន់មានវចនានុក្រមភាសាខ្មែរថ្មីដែលមានការឯកភាពគ្នាស្របតាមការណែនាំរបស់ថ្នាក់ដឹកនាំរាជរដ្ឋាភិបាល។

ក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជា ជាស្ថាប័នប្រជុំដោយអ្នកសិក្សាស្រាវជ្រាវមានច្រើនជំនាញ ច្រើនវិស័យ​ពី​ស្ថាប័នរដ្ឋនិងឯកជនផ្សេងៗគ្នា។ ក្នុងនាមស្ថាប័នសិក្សាស្រាវជ្រាវភាសាខ្មែរ ការប្រើប្រាស់វចនានុក្រមសម្តេចព្រះសង្ឃរាជ ជួន ណាត ជាគោលសំខាន់សម្រាប់ការងារបង្កើតបច្ចេកសព្ទថ្មី។ ចំណែករឿងអក្ខរាវិរុទ្ធ នោះជាបញ្ហាមួយ តែអ្វីដែលចាំបាច់បំផុតនោះ គឺខិតខំស្រាវជ្រាវបង្កើតពាក្យថ្មីឱ្យបានច្រើនដើម្បីបំពេញទៅតាមសេចក្តីត្រូវការអ្នកប្រើប្រាស់ដែលខាងក្រុមប្រឹក្សាជាតិភាសាខ្មែរត្រូវធ្វើ ដោយសុំមិនមានការកែទម្រង់ច្រើនទេ គឺយកតាមវចនានុក្រមសម្តេចព្រះសង្ឃរាជ ជួន ណាត ជាគោលដូចគ្នា។

ប្រធានក្រុមប្រឹក្សាជាតិភាសាខ្មែរ ក៏បានរំឭកផងដែរពីការផ្ដើមបង្កើត«ក្រុមប្រឹក្សាជាតិភាសាខ្មែរ នៃ​រាជ​បណ្ឌិត្យ​​សភាកម្ពុជា (ហៅកាត់ថា ក.ជ.ភ.ខ.)» ព្រមទាំងសមិទ្ធផលដែលក្រុមប្រឹក្សាជាតិភាសាខ្មែរបានប្រឹងប្រែងបង្កើតឡើងប្រាប់​ដល់អ្នកសារព័ត៌មានថ្មីៗ (ThmeyThmey) និង សារព័ត៌មានសំឡេងប្រជាធិបតេយ្យ (VOD) កាលពី​ព្រឹក​មិញ​នេះ។ បើយើងក្រឡេកទៅមើលប្រទេសជិតខាងយើង គឺប្រទេសថៃនិងប្រទេសឡាវ យើងឃើញថាគេប្រើប្រាស់វិធីខុសពីយើងក្នុងការបង្កើតពាក្យ ដោយគេប្រើភាសាសំស្ក្រឹតជាគោល ចំណែកយើងប្រើភាសាបាលីជាគោល។ ជាការពិត យើងតែងមានទំនាស់ក្នុងការបង្កើតពាក្យ ដោយការប្រើប្រាស់គោលការណ៍ខុសៗគ្នា ហើយកន្លងមកក្រុមប្រឹក្សាជាតិភាសាខ្មែរប្រឹងប្រែងសម្របសម្រួល ទើបរាជរដ្ឋាភិបាលសម្រេចឱ្យយកវចនានុក្រមខ្មែរ (​ការ​ផ្សាយ​ដោយ​ពុទ្ធសាសន​​បណ្ឌិត្យ បោះពុម្ពគ្រាទី៥ នៅឆ្នាំ១៩៦៧-៦៨) ដែល​មហាជន​ភាគច្រើន​តែង​ស្គាល់​និង​និយម​ហៅថា «វចនានុក្រម​សម្តេច​ព្រះសង្ឃរាជ ជួន ណាត» ជាគោលក្នុងការបង្កើតពាក្យថ្មី»។ លោកបន្តថា «ទោះ​ជា​យ៉ាង​ណា​ក៏​ដោយ ពេលខ្លះយើងមិនយកតាមតែភាសាបាលីតែម្យ៉ាងទេ ដោយហេតុថាក្នុងភាសាខ្មែរយើងមានផ្នត់ច្រើនក្នុងការបង្កើតពាក្យថ្មី។ ទន្ទឹមនឹងនោះ យើងក៏យកតាមខេមរយានកម្មផងដែរ។»

លោកបានបញ្ជាក់បន្ថែមទៀតថា ក្រុមប្រឹក្សាជាតិភាសាខ្មែរ មានគណៈកម្មការបច្ចេកសព្ទចំនួន១៧ ទៅតាមមុខជំនាញដែលធ្វើការរៀងខ្លួន បែងចែកជាក្រុមក្នុងការសិក្សាពីការបង្កើតពាក្យតាមជំនាញរៀងនីមួយៗ។ ក្រោយពីគណៈកម្មការបច្ចេកសព្ទតាមជំនាញបានជជែកពិភាក្សាវែកញែកបង្កើតបានពាក្យថ្មីហើយ យើងតែងមានការ​ប្រជុំរួមដើម្បីឆ្លងនិងអនុម័តនៅក្រុមប្រឹក្សាជាតិភាសាខ្មែរនៅរៀងរាល់ថ្ងៃអង្គារនិងថ្ងៃពុធ មុននឹងធ្វើការផ្សព្វ​ផ្សាយ​​​នៅលើបណ្តាញផ្សព្វផ្សាយរបស់ខ្លួននិងនៅលើបណ្តាញផ្សព្វផ្សាយរបស់រាជបណ្ឌិត្យសភាកម្ពុជា (RAC Media)។

សូមបញ្ជាក់ថា រហូតមកទល់បច្ចុប្បន្ននេះ ក្រុមប្រឹក្សាជាតិភាសាខ្មែរបានប្រជុំអនុម័តបច្ចេកសព្ទថ្មីៗ បានប្រមាណចំនួនជាង ២៥០០ពាក្យហើយ។ ចំណែកពាក្យសម្រាប់មហាជនប្រើប្រាស់ជាទូទៅវិញ ក្រុម​ប្រឹក្សា​ជាតិ​ភាសា​ខ្មែរ កំពុងប្រមូលពាក្យដែលប្រើប្រាស់ជាប្រចាំដោយដាក់ទៅតាមក្រុមន័យ ហើយការងារនេះបានកំពុងដំណើរ​ការមកបានជាង១ឆ្នាំហើយ ដោយប្រមូលបានប្រហែល​៤០០០ពាក្យ។

ជាចុងក្រោយឯកឧត្តមបណ្ឌិត ហ៊ាន សុខុម ស្នើ​ឱ្យខាងសារព័ត៌មានទាំងអស់ មិនថាតែសារព័ត៌មានថ្មីៗ(ThmeyThmey) និងសារព័ត៌មានសំឡេងប្រជាធិបតេយ្យ(VOD) ប៉ុណ្ណោះទេ សូមចូលរួមសហការផ្សព្វផ្សាយនិងលើកតម្កើងភាសាជាតិខ្មែរយើង ជាពិសេសគឺត្រូវចាប់អារម្មណ៍មែនទែនចំពោះអនាគតនៃភាសាជាតិ ព្រោះបើកាលណាពាក្យបង្កើតហើយមិនមានអ្នកប្រើទេ គឺពាក្យឬភាសានោះនឹងស្លាប់។ ឯកឧត្តមបណ្ឌិត បានបន្ថែមថា «យើងស្វាគមន៍រាល់ការចូលរួមបង្កើតពាក្យថ្មីពីមជ្ឈដ្ឋានខាងក្រៅ រួមទាំងការរិះគន់ពីមហាជនដែលជាអ្នកប្រើប្រាស់ភាសាទាំងអស់។ នៅថ្ងៃមុខ យើងមានគម្រោងថានឹងមានការរៀបចំសិក្ខាសាលាអំពីឈ្មោះប្រទេស រាជធានី/ខេត្ត ពីភាសាបរទេសទៅជាភាសាខ្មែរ និង ពីភាសាខ្មែរទៅបរទេស ហើយយើងគ្រោងបង្កើតកម្មវិធី​(Application)ដើម្បីផ្សព្វ​ផ្សាយ​​​​​សទ្ទានុក្រមដែលយើងបង្កើតបាន។ លើសពីនេះ យើងនឹងមានចេញផ្សាយវចនានុក្រមខ្មែរថ្មីមួយនៅឆ្នាំ២០២២ ដោយមានការឧបត្ថម្ភពីរដ្ឋាភិបាល៕

RAC Media | ម៉ៅ សុគន្ធា

http://rac.gov.kh/posts/452

រូបសំណាកសម្តេចសង្ឃរាជ ជួន ណាត ធ្វើអំពីប្រាក់ កំពស់១ម៉ែត្រ ត្រូវបានកសាងរួចរាល់ តំកល់ទុកនៅវិទ្យាល័យហ៊ុន សែនក្រុងទេពនិម្មិត ខែតុលា 19, 2018

Posted by សុភ័ក្ត្រ in ព័ត៌មាន.
add a comment

រូបសំណាកសម្តេចសង្ឃរាជ ជួន ណាត (ជោតញ្ញាណោ)  ធ្វើអំពីប្រាក់ កំពស់១ម៉ែត្រ និងគ្រិះបល្ល័ង្គ​អង្គត់​ផ្ចឹត១,៥ ម៉ែត្រ, កំពស់ ១,៧ម៉ែត្រ ស្ថិតនៅវិទ្យាល័យហ៊ុន សែនក្រុងទេពនិម្មិត ត្រូវបានកសាងរួចរាល់ ដោយ​ចំណាយថវិកាសរុប​ចំនួន​៧៥០០​​​ដុល្លា។ ពិធីសិតព្រះរូបសំណាកសម្តេចសង្ឃរាជ ជួន ណាត (ជោតញ្ញាណោ) នេះ​បានធ្វើឡើងនាថ្ងៃសុក្រ ១០កើត ខែអស្សុជ ឆ្នាំច សំរិទ្ធស័ក ព.ស ២៥៦២ ត្រូវនឹងថ្ងៃទី១៩ ខែតុលា ឆ្នាំ២០១៨ នៅ​វិទ្យាល័យហ៊ុន សែនក្រុងទេពនិម្មិត ក្រោមអធិបតីភាព លោកជំទាវ សោ មុន្នីរ័ត្ន អភិបាលរងខេត្តប៉ៃលិន និងមានការ​អញ្ជើញចូលរួមពីសំណាក់ ព្រះមេគណខេត្តទាំងពីគណៈ លោកជំទាវ ស៊ុំ ហៀង ប្រធានសភាពាណិជ្ជកម្មខេត្ត លោក-លោកស្រីប្រធាន អនុប្រធានមន្ទីរ មន្រ្តីរាជការ ព្រះសង្ឃ សប្បុរស់ជន លោកគ្រូ អ្នកគ្រូ និងសិស្សានុសិស្ស​ជាច្រើន​នាក់ទៀត។

តាមប្រសាសន៍របស់លោកនាយកវិទ្យាល័យហ៊ុន សែនក្រុងទេពនិម្មិតបានអោយដឹងថាៈ ការសាងសង់រូប​សំណាក សម្តេចសង្ឃរាជ ជួន ណាត នេះ គឺកើតឡើងដោយការមូលមតិគ្នារវាងគណៈគ្រប់គ្រង គណៈទ្រទ្រង់សាលា លោកគ្រូ អ្នកគ្រូ និងមានការសហការជាមួយព្រះមន្រីសង្ឃទាំងពីគណៈ និងមានការឯកភាពពីមន្ទីរអប់រំ យុវជន និងកីឡា។ លោកបានបន្តថាៈ ការកសាងរូបសំណាកនេះ គឺដើម្បីទុកជាសក្ការៈបូជា, ទុកសំរាប់អោយកូនខ្មែរ​ជំនាន់​ក្រោយបានស្គាល់ពីបិតាអក្សរសាស្រ្តខ្មែរ និងដើម្បីជាប្រយោជន៍សាធារណៈ​សំរាប់សិស្សគណ​ គ្រប់ស្រទាប់វណ្ណៈ​គោរពដឹងគុណ នូវកិត្តិគុណនេះ។

លោកជំទាវ សោ មុន្នីរ័ត្ន អភិបាលរងខេត្តប៉ៃលិនបានមានប្រសាសន៍ថាៈ សម្តេចសង្ឃរាជ ជួន ណាត (ជោតញ្ញាណោ) ជាអ្នកមានគុណូបការៈយ៉ាងធំធេងសំរាប់ជាតិខ្មែរ ពិសេសលើផ្នែកអក្សរសាស្រ្តរបស់ជាតិយើង។ សម្តេចជាអ្នកចារទុក និងផលិតនូវវច្ចនានុក្រមអក្សរសាស្រ្តខ្មែរ សំរាប់ទុកអោយកូនចៅជំនាន់ក្រោយសិក្សារៀនសូត្រ និងមានស្នាដៃកសាងសមិទ្ធិផលនានាជាច្រើនទៀត កាលពីសម័យរបស់ព្រះអង្គ។ លោកជំទាវបានបន្តថា ការកសាង​រូបសំណាកនាពេលនេះ គឺជាការប្រពៃថ្លៃថ្លាណាស់ សំរាប់ជាការរំលឹកនឹកគុណដល់ព្រះអង្គ និងសំរាប់អោយ​សិស្សា​នុសិស្ស ប្រជាពលរដ្ឋយើងបានស្គាល់ និងចងចាំព្រះអង្គទុកជារៀងរហូត។ លោកជំទាវ ក៏បានមានប្រសាសន៍ថ្លែង​អំណរគុណដល់មន្រ្តីសង្ឃទាំងពីគណៈ , គណៈគ្រប់គ្រង  គណៈទ្រទ្រង់សាលា អ្នកគ្រូ អ្នកគ្រូ នៃវិទ្យាល័យហ៊ុនសែន​ក្រុងទេពនិម្មិត្ត ព្រមទាំងសប្បុរស់ជនទាំងអស់ ដែលបានចំណាយពេលវេលា និងថវិការមកជួយកសាងរូប​សំណាក​របស់សម្តេចសង្ឃរាជជួនណាត នៅក្នុងវិទ្យាល័យហ៊ុនសែនក្រុងទេពនិម្មិត្ត ដែលនេះជាសមិទ្ធផលថ្មីមួយទៀត​សំរាប់ខេត្តប៉ៃលិនរបស់យើង៕ ដោយ៖ វួច ពឿន

                                                 

រូបសំណាកសម្តេចសង្ឃរាជ ជួន ណាត ធ្វើអំពីប្រាក់ កំពស់១ម៉ែត្រ ត្រូវបានកសាងរួចរាល់ តំកល់ទុកនៅវិទ្យាល័យហ៊ុន សែនក្រុងទេពនិម្មិត

រូបសំណាក​សម្តេចព្រះសង្ឃរាជ​ជួន​ណាត​សម្ពោធ​ដាក់​ប្រើប្រាស់​ជា​ផ្លូវការ​ ខែកញ្ញា 3, 2018

Posted by សុភ័ក្ត្រ in ព័ត៌មាន.
add a comment

ដោយ​-​បញ្ញា​សាស្ត្រ​/​ភ្នំពេញ​-​រូបសំណាក​សម្តេចព្រះសង្ឃរាជ​ជួន​ណាត​ដែល​បាន​កសាងឡើង​ដោយ​ក្រុម​អតីត​សិស្ស​វិទ្យាល័យ ទូល​ទំពូង ជំនា​ន់ទី​១ ឆ្នាំ​សិក្សា​១៩៨២​ត្រូវបាន​រៀបចំ​ពិធី​អភិសេក​ដើម្បី​ទុក​គោរពបូជា រំឭក​គុណបិតា អក្សរសាស្ត្រ​ខ្មែរ នៅក្នុង​បរិវេណ​វិទ្យាល័យ​ទូល​ទំពូង​។

​រូបសំណាក​សម្តេចព្រះសង្ឃរាជ​ជួន​ណាត​បាន​សម្ពោធ​ដាក់ឱ្យ​ប្រើប្រាស់​ជា​ផ្លូវការ​ហើយ​កាលពី​រសៀល​ថ្ងៃ​ច័ន្ទ ទី​៣ កញ្ញា ២០១៨ ដោយមាន​ការចូលរួម​ពី​លោកគ្រូ​-​អ្នកគ្រូ សិស្សានុសិស្ស ក្រោម​អធិបតីភាព លោក អ៊ាង សុផល្លែត ទីប្រឹក្សា​ផ្ទាល់​សម្តេច​តេ​ជោ ហ៊ុន សែន និង​ជា​អនុរដ្ឋលេខាធិការ ក្រសួងបរិស្ថាន​។​

​លោក​សិង ស៊ីថុន នាយក​វិទ្យាល័យ​ទូល​ទំពូង បាន​សម្តែង​ការ​អរគុណ ចំពោះ​ម្ចាស់ជំនួយ ជា​អតីត​សិស្ស​វិទ្យាល័យ​ទួល​ទំពូង​ដែល​បាន​នឹក​អាល័យ​នឹកគិត​ជួយ​សាលា​មិន​ទុកចោល​ទៅដល់​ទីណា​កន្លែង​ណា​នៅតែ​នឹកឃើញ​។ ដូច្នេះ រូបសំណាក​សម្តេចព្រះសង្ឃរាជ ជួន ណាត ខាងលើ​ធ្វើ​ពី​ស្ព័ន នឹង​ក្លាយជា​តំណាង​ភាព​ចេះដឹង គោរព​ស្រឡាញ់​របស់​សិស្ស​ជំនាន់​ក្រោយ​អោយធ្វើ​គំរូ​តាម​ផងដែរ​។​

​ថ្លែង​ក្នុង​ពិធី លោក អ៊ាង សុផល្លែត បាន​មានប្រសាសន៍ ថា ការកសាង​រូបសំណាក​សម្តេចព្រះសង្ឃរាជ ជួន ណាត នេះ​ឡើង ក្នុង​វិទ្យាល័យ​ទួល​ទំពូង គឺ​លោក​បាន​កៀងគរ​ប្រមូល​ថវិកា​ពី​សិស្ស​រួម​ជំនាន់ ក្នុង​និង​ក្រៅប្រទេស​ដើម្បី​រំលឹក​ដឹងគុណ​លោកគ្រូ​-​អ្នកគ្រូ​កាល​បង្រៀន​កន្លងទៅ​ព្រមទាំង​លោកគ្រូ​អ្នកគ្រូ​បច្ចុប្បន្ន​ផងដែរ​។

លោក​បាន​មានប្រសាសន៍ថា​កម្មវិធី​នេះ​បាន​ប្រារ​ពន្ធ​ឡើង​ដោយ​សិស្ស​បាក់​ឌុប​ជំនា​ន់ទី​១​ដោយ​ប្រមូលបាន​បច្ច័យ​ចំនួន​១​ម៉ឺន​ដុល្លារ​កសាង​រូបសំណាក​នេះ​ឡើង​ក្នុងន័យ​ទុកជា​ការតម្កល់​ជា​និមិត្តរូប​ក្នុងការ​គោរព​នូវ​ចំណេះដឹង សីលធម៌​ព្រមទាំង​គុណ​តម្លៃ​។

​លោក​បន្តថា​ដោយ​ធ្លាប់​រៀនសូត្រ​ក្នុង​វិទ្យាល័យ​នេះ​តាំងពី​ឆ្នាំ​១៩៨២​មក​ទើប​ឃ្លាតឆ្ងាយ​បែបណា​ក៏​នៅតែ​ដក់​ជាប់​នូវ​ភាព​កម្សត់កម្រ​អនុស្សាវរីយ៍​ជាច្រើន​ពេល​សិក្សា​។​កន្លងមក​លោក​បា​នប​ង្កើ​ត​មូ​និ​ធិ​សម្រាប់​សិស្ស​ពូកែ សិស្ស​ល្អ​១០​ឆ្នាំ​កន្លងមកហើយ ក៏បាន​បញ្ចប់ទៅ​និង​មាន​ផែនការ​រៀបចំ​ឡើងវិញ​ទៅ​ថ្ងៃក្រោយ​ទៀត​។

​ពីមុនៗ ធ្លាប់ជួយ​កសាង​ប៉ុន្តែ​នេះ ជា​សមិទ្ធិផល ដែល​ធំជាងគេ ព្រោះ​យល់ថា សម្តេច​សង្ឃ​ជួន​ណាត ពិសេស​ណាស់​សម្រាប់​ក្មេងជំនាន់ក្រោយ​ចងចាំ​ព្យាយាម​ធ្វើ​គំរូ តាម​គាត់​ទាំង​សីលធម៌ អក្សរសាស្ត្រ​ទាំង​ការបណ្តុះបណ្តាល​វប្បធម៌​ខ្មែរ ។ ឆ្លៀត​ក្នុងឱកាស​នោះ លោក​ក៏បាន​ឧបត្ថម្ភ​ចំនួន ៤.០០០​ពាន់​ដុល្លារ ដើម្បី​ទិញ​កៅអី​តុ ដាក់​ក្នុង​បណ្ណាល័យ​នៃ​វិទ្យាល័យ​ទូល​ទំពូង​៕S/

http://www.rasmeinews.com/%E2%80%8B%E1%9E%9A%E1%9E%BC%E1%9E%94%E1%9E%9F%E1%9F%86%E1%9E%8E%E1%9E%B6%E1%9E%80%E2%80%8B%E1%9E%9F%E1%9E%98%E1%9F%92%E1%9E%8F%E1%9F%81%E1%9E%85%E1%9E%96%E1%9F%92%E1%9E%9A%E1%9F%87%E1%9E%9F%E1%9E%84/

ទិវាបុណ្យរំលឹកព្រះឧបការគុណ សម្តេចព្រះសង្ឃរាជជោតញ្ញណោ ជួន ណាត និងក្រុមជំនុំព្រះត្រៃបិដកខ្មែរ ខែ​មីនា 11, 2018

Posted by សុភ័ក្ត្រ in ព័ត៌មាន.
add a comment

នៅព្រឹកថ្ងៃអាទិត្យ ១០រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១១ ខែមីនា ឆ្នាំ២០១៨នេះ លោកស្រី យូ សុភា អភិបាលរងខេត្តសៀមរាប តំណាងលោកអភិបាល នៃគណៈអភិបាលខេត្ត និងព្រះមហាវិមលធម្ម ពិន សែម សិរីសុវណ្ណោ រាជាគណៈថ្នាក់ទោគណៈមហានិកាយ និងជាឧត្តមទីប្រឹក្សា​គណៈសង្ឃ នាយក នៃកម្ពុជាបានអញ្ជើញចូលរួមទិវាបុណ្យរំលឹកព្រះឧបការគុណ សម្តេចព្រះសង្ឃរាជជោតញ្ញណោ ជួន ណាត និងក្រុមជំនុំព្រះត្រៃបិដកខ្មែរ. នៅវត្តរាជបូណ៌។

ក្រោមពីបានស្តាប់ការអានព្រះរាជជីវប្រវត្តិសម្តេចព្រះសង្ឃរាជ និងការសូត្រវិយោគកថារួចមក លោកស្រី យូ សុភា បានថ្លែងថាព្រះអង្គបានបំពេញព្រះរាជបេសកកម្មយ៉ាងធំក្រៃលែង ក្នុងវិស័យសង្គមកិច្ច និងវិស័យសិក្សា​ធិការដូចជា ព្រះអង្គបានកសាងគម្ពីរដីកាជាច្រើន ទាំងស្លឹករឹត ទាំងសៀវភៅ ដែលព្រះអង្គបាន ប្រែពីបាលី​មក​ជាភាសាខ្មែរ សំរាយសម្រាប់ជាប្រយោជន៍ដល់ប្រជាពុទ្ធបរិស័ទ រៀនសូត្រ និងបានរៀបរៀងវចនានុក្រម​ភាសាខ្មែរ សម្រាប់កុលបុត្រកុលទីតាខ្មែរជំនាន់ក្រោយ រៀនសូត្រដល់សព្វថ្ងៃនេះ។

លោកស្រីបានបញ្ជាក់ថា ដោយស្នាព្រះហត្ថដ៏ធំធេងរបស់ព្រះអង្គ ទើបរាជរដ្ឋាភិបាល សម័យសង្គមរាស្រ្តិយម និងប្រជារាស្រ្តខ្មែរ បានព្រះរាជទាននិងផ្តល់ឋានៈព្រះអង្គ ជាព្រះរាជអគ្គនិពន្ធអក្សរសាស្រ្តខ្មែរ និងជាសមាជិកកិត្តិយស នៃសមាគមអ្នកនិពន្ធខ្មែរ ហើយបានបន្សល់ទុកនូវស្នាព្រះហស្ថជាច្រើន មានជាអាទិ៍៖
– វចនានុក្រមភាសាខ្មែរ
-ព្រះរាជនិពន្ធទំនុកចៀងបទនគររាជ សម្រាប់ការគោរពទង់ជាតិនៃកម្ពុជា
-បទគោរពទង់ព្រះពុទ្ធសាសនា
-បទសរភញ្ញ ជាដើម។ល។ លោកស្រីបន្តថា ទាំងនេះជាកេរ្តិ៍មរតកដ៏ថ្លៃថ្លា បំផុតសម្រាប់ឲ្យ យើងស្តាប់ឮ ស្វែងយល់ ជារៀងរាល់ថ្ងៃរហូតដល់បច្ចុប្បន្ននេះ៕

    
 

https://grandnewsasia.com/detail/87464/