jump to navigation

ខួបទី ៤៥ឆ្នាំ ព្រះរាជពិធីបុណ្យព្រះមេរុ នៃ សម្តេចព្រះមហាសុមេធាធិបតី ជួន ណាត (ជោតញ្ញាណោ) ខែមករា 27, 2016

Posted by សុភ័ក្ត្រ in ព័ត៌មាន.
add a comment


ខួបទី ៤៥ឆ្នាំ ព្រះរាជពិធីបុណ្យព្រះមេរុ នៃ
សម្តេចព្រះមហាសុមេធាធិបតី ជួន ណាត (ជោតញ្ញាណោ)
សម្តេចព្រះសង្ឃរាជថ្នាក់ទី១ នៃគណៈមហានិកាយ
ថ្ងៃទី២៧ ដល់ ៣១ ខែមករា គ.ស.២០១៦

Advertisements

អតីត​សិស្ស​វិទ្យាល័យ​បាក់​ទូក សាងសង់​រូបសំណាក សម្តេចព្រះសង្ឃរាជ ជួន ណាត ទុក​សម្រាប់​យុវជន ជំនាន់​ក្រោយ​គោរព ខែមិថុនា 27, 2014

Posted by សុភ័ក្ត្រ in ព័ត៌មាន.
add a comment

ភ្នំពេញ: ​ក្រុម​អតីត​សិស្ស​វិទ្យាល័យ​បាក់​ទូក ដែល​បាន​ក្លាយខ្លួន ជា​មន្ត្រីរាជការ អ្នកជំនួញ បានរួម​គ្នា​បើក​ការដ្ឋាន សាងសង់​រូបសំណាក សម្តេចព្រះសង្ឃរាជ ជួន ណាត នៅ​ព្រឹក​ថ្ងៃទី​២៧ ខែមិថុនា​នេះ ក្នុង​បរិវេណ​វិទ្យាល័យ​បាក់​ទូក ទុក​សម្រាប់​យុវជន ជំនាន់​ក្រោយ​គោរព​។​

​នៅក្នុង​ពិធី​នោះ លោកស្រី ចាន់ ចាន់​ធួន អតីត​នាយិកា​រង នៃ​វិទ្យាល័យ​បាក់​ទូក បាន​មានប្រសាសន៍ថា ការសាងសង់​រូបសំណាក សម្តេចព្រះសង្ឃរាជ ជួន ណាត គឺ​ដើម្បី​ជា​និមិត្តរូប ទុក​ឲ្យ​យុវជន​ជំនាន់​ក្រោយ បាន​ស្គាល់​បុព្វបុរស ដែលមាន​គុណបំណាច់ ចំពោះ​ប្រទេសជាតិ និង​ជាការ​លើក​កំពស់ វិស័យ​ព្រះពុទ្ធសាសនា​។ សម្តេចព្រះសង្ឃរាជ ជួន ណាត ព្រះអង្គ​គឺជា​អ្នកប្រាជ្ញ ខាង​អក្សរសាស្ត្រ​ខ្មែរ បាន​បង្កើត​វចនានុក្រម អក្សរសាស្ត្រ ទុក​សម្រាប់​កូនចៅ​ជំនាន់​ក្រោយ រៀនសូត្រ និង​ព្រះអង្គ បាន​និពន្ធ​បទ​ភ្លេងជាតិ​។​

​ជាមួយគ្នា​នោះដែរ លោក សរ សុ​ពុ​ត្រា អនុរដ្ឋលេខាធិការ ក្រសួង​សង្គមកិច្ច អតីតយុទ្ធជន និង​យុវនីតិសម្បទា និង​ជា​អតីត​សិស្ស នៃ​វិទ្យាល័យ​បាក់​ទូក បាន​បញ្ជាក់ថា ការរួម​គ្នា​ពី​សំណាក់ អតីត​សិស្ស នៃ​វិទ្យាល័យ​បាក់​ទូក សាសង់​រូបសំណាក សម្តេចព្រះសង្ឃរាជ ជួន ណាត គឺជា​ការផ្ញើ​សារ ប្រាប់​ដល់​យុវជន​ជំនាន់​ក្រោយ គោរព​វិ​រ​បុរស​ខ្មែរ គឺ​សម្តេចព្រះសង្ឃរាជ ជួន ណាត ដែលជា​អ្នកប្រាជ្ញ​អក្សរសាស្ត្រ ហើយ​ព្រះអង្គ​បាន​បន្សល់ទុក នៅ​មរតក​មានតម្លៃ​ជាច្រើន សម្រាប់​មនុស្ស​ជំនាន់​ក្រោយ រៀនសូត្រ​តាម និង​គោរព​។​

​រូបសំណាក​សម្តេចព្រះសង្ឃរាជ ជួន ណាត ដែល​សាងសង់​នោះ គឺ​ធ្វើ​អំពី​ថ្ម និង​លាបថ្នាំ និង​មាន​រង្វង់​មូល ទ្រ​ជា​រាង​ផ្កាឈូក និង​មាន​រៀប​ឥដ្ឋ​បូក ថ្មដុះ ជើងតាង​គ្រែ និង​រូបចំលាក់​ធ្វើ​អំពី​ថ្ម ឆ័​ត្រ​រួត និង​ផ្លិត ធ្វើ​អំពី​លោហធាតុ ស្ពាន់ ដែល​នឹង​ចំណាយ​ថវិកា​សាងសង់ អស់​ចំនួន ៦.៥០០ ដុល្លារ ជា​ថវិកា​បាន​ពី​ការចូលរួម​ឧបត្ថម្ភ​ពី​សំណាក់​ក្រុម​អតីត​សិស្ស​វិទ្យាល័យ​បាក់​ទូក​៕

ចម្លង​ចេញ​ទាំង​ស្រុង​ពី CEN


សម្ពោធ​រូប​សំណាក​សម្ដេច​ព្រះ​សង្ឃ​រាជ ជួន ណាត ខែ​ឧសភា 23, 2014

Posted by សុភ័ក្ត្រ in ព័ត៌មាន, វីដេអូ.
add a comment

អាជ្ញាធរ​ខេត្ត​​សៀមរាប​ប្រារព្វ​ពិធី​រំឭក​​គុណ​សម្តេច​​ព្រះ​សង្ឃរាជ​ ជួន ណាត ខែ​មីនា 26, 2014

Posted by សុភ័ក្ត្រ in ព័ត៌មាន.
add a comment




អា​ជ្ញា​ធរ​ខេត្តសៀមរាប រួមជាមួយ​ព្រះ​សង្ឃនិង​ប្រ​ជា​ពលរដ្ឋ​ បាន​ប្រារព្វ​ពិធី​រំឭក​គុណ​ដល់សម្តេច​ព្រះ​មហាសុមេធាធិបតីជោតញ្ញាណោ ជួន ណាត និង​ក្រុម​ជំនុំព្រះត្រៃ​បិដកខែ្មរ ក្រោមអធិបតីភាពឯកឧត្តម ម៉ៅ​ វុឌ្ឍី អភិបាល​រង​ខេត្ត​សៀមរាប នាថ្ងៃទី២៦ ខែមីនា ឆ្នាំ២០១៤ នៅក្រុងសៀមរាប ។

រូបថតៈ ហង្ស សៀក AKP-ខេត្តសៀមរាប

ពុទ្ធ​បរិស័ទ​ប្រារព្ធ​ពិធី​បុណ្យ​រំឭក​ព្រះ​ឧបការគុណ​សម្ដេច​សង្ឃ​រាជ ជួន ណាត និង​ក្រុម​ជំនុំ​ព្រះ​ត្រៃ​បិដក​ខ្មែរ​នៅ​សៀមរាប ខែ​មីនា 17, 2012

Posted by សុភ័ក្ត្រ in ព័ត៌មាន.
add a comment

សៀមរាបៈ កាល​ពី​ព្រឹក​មិញ នៅ​តាម​ដង​វិថី​មួយ​ចំនួន​នៅ​ក្រុង​សៀមរាប មាន​ពិធី​ដង្ហែ​ក្បួន​ទិវា​បុណ្យ​រំឭក ព្រះ​ឧបការ​គុណ សម្ដេច​សង្ឃ​រាជ ជោតញ្ញាណោ ជួន ណាត និង​ក្រុម​ជំនុំ​ព្រះ​ត្រៃ​បិដក​ខ្មែរ និង​ដង្ហែ​ព្រះ​រតនត្រ័យ ដែល​មាន​អ្នក​ចូល​រួម​ជាង​៥ពាន់​អង្គ​/​​នាក់​។ ពិធី​បាន​ប្រារព្ធ​ធ្វើ​នៅ​ស្ថានីយ​វិទ្យុ​សំឡេង​ព្រះ​ពុទ្ធ​សាសនា កម្ពុជ​រដ្ឋ FM 106.25MHz ដែល​ស្ថិត​នៅ​ក្នុង​បរិវេណ​វត្ដ​ព្រះ​រាជ​បូណ៌ ភូមិ​វត្ត​បូព៌ សង្កាត់​សាលា​កំរើក ក្រុង​សៀមរាប​។

ពិធី​ដ៏​ធំ​តាម​បែប​ព្រះ​ពុទ្ធ​សាសនា​នេះ​ក្រោម​អធិបតីភាព ព្រះ​មហា​វិមលធម្ម ពិន សែម សីរីសុវណ្ណោ ព្រះរាជាគណ:​ថ្នាក់​ទោ និង​ជា​ឧត្តម​ទី​ប្រឹក្សា គណ:​សង្ឃ​នាយក នៃ​ព្រះ​រាជាណាចក្រ​កម្ពុជា ព្រះ​មេ​គណ​ខេត្ត និង​មន្ត្រី​សង្ឃ​ពុទ្ធ​បរិស័ទ អាជ្ញាធរ​មូល​ដ្ឋាន មន្រ្តី​រាជការ លោក​គ្រូ អ្នក​គ្រូ សិស្សា​នុ​សិស្ស ក្នុង​និង​ក្រៅ ខេត្ត​សៀមរាប ដើម្បី​ចូល​រួម​បំពេញ​នូវ​បុណ្យ​កុសល​ក្នុង​ទិវា​បុណ្យ​រំឭក​ព្រះ​ឧបការ​គុណ សម្ដេច​សង្ឃ​រាជ ជោតញ្ញាណោ ជួន ណាត និង​ក្រុម​ជំនុំ​ព្រះ​ត្រៃ​បិដក​ខ្មែរ​ដោយ​ក្ដី​សោមនស្ស​រីក​រាយ​។

ពិធី​នេះ​បាន​ដង្ហែរ​ពី​វត្ត​រាជបូណ៌ ទៅ​ផ្លូវ​តាម​ផ្សារ​ចាស់ ផ្សារ​កណ្ដាល រួច​កាត់​តាម​ស្ពាន​ថ្ម​ថ្មី ត្រឡប់​មក​វត្ត​វិញ ដើម្បី​ប្រគេន​ភត្ដាហារ ចំពោះ​ព្រះ​សង្ឃ និង​បន្ដ​កម្មវិធី​ដែល មាន​រយ:​ពេល​២​ថ្ងៃ  គឺ​មាន​ពិធី​ថ្វាយ​គ្រឿង សក្ការ​បូជា​ចំពោះ​ព្រះ​បរម​សារីរិកធាតុ នមស្ការ សមាទាន​សីល និមន្ត​ព្រះ​សង្ឃ​ចម្រើន​ព្រះ​បរិត្ត និង​សម្ដែង​ព្រះ​ធម៌​ទេសនា​។ នៅ​ព្រឹក​ថ្ងៃ​អាទិត្យ បន្ទាប់ គឺ​ថ្ងៃ​១១​រោជ ខែ​ផល្គុន ព.ស.​២៥៥៥ ត្រូវ​នឹង​ថ្ងៃ​ទី​១៨ មីនា ឆ្នាំ​២០១២ មាន​ប្រគេន​យាគូ​ចំពោះ​ព្រះ​សង្ឃ សម្ដែង​ធម៌​ទេសនា ដាក់​បាត្រ​ព្រះ​សង្ឃ ចំនួន​២៥៥​ព្រះ​អង្គ រួច​ប្រគេន​ភត្ដាហារ​ចំពោះ​ព្រះ​សង្ឃ​ជា​កិច្ច​បង្ហើយ​បុណ្យ​។

ក្នុង​ពិធី​ដង្ហែ​តាម​ដង​វិថី និង​ទី​ប្រជុំជន​មួយ​ចំនួន ក្នុង​ក្រុង​សៀមរាប​នេះ មន្ត្រី​សង្ឃ ពុទ្ធ​បរិស័ទ និង​អ្នក​ចូល​រួម​ទាំង​អស់​មាន​កាន់ និង​ដង្ហែ​ព្រះ​ពុទ្ធ​រូប ព្រះ​ឆាយាល័ក្ខណ៍ សម្ដេច​សង្ឃរាជ ជោតញ្ញាណោ ជួន ណាត និង​ព្រះ​មហា​សង្ឃ​ខ្មែរ ដែល​ជា​ក្រុម​ជំនុំ​ព្រះ​ត្រៃ​បិដក​ខ្មែរ ច្រើន​ព្រះ​អង្គ​ទៀត និង​ដង្ហែ​ព្រះ​រតនត្រ័យ ព្រម​ទាំង​មាន​កាន់​ផ្កា ធូប ទាន ទទួល​នូវ​អំណរ​ផល​បុណ្យ ដោយ​ក្ដី​សោមនស្ស​រីក​រាយ​បំផុត​៕

ស្រង់ចេញពីគេហទំព័រ ដើមអម្ពិល